Ku Cyumweru tariki 28 Mutarama 2022 nibwo habaye umukino w'umunsi wa 17 wa shampiyona y'u Rwanda wabereye i Huye, ukaba ari umukino wahuje Mukura Victory Sports na Rayon Sports.
Uyu mukino warangiye amakipe yombi anganyije igitego 1-1 aho Rayon Sports yatsindiwe na Moussa Camara ku munota wa 11, mu gihe Mukura yishyuriwe na Nsabimana ku munota wa 61.
Ubwo barimo bagana mu mimota ya nyuma y'igice cya mbere, Rayon Sports yabonye igitego cyatsinzwe na Moussa Camara ariko umusifuzi wo ku ruhande ariwe Bwiriza Nonati yemeza ko habayeho kurarira igitego kirangwa.
Igitego cya Camara cyaranzwe
Ibi byateje impaka zikomeye cyane kuko abarebaga amashusho babonaga ko Camara atigeze ararira, bituma na FERWAFA ifata umwanya wo kwiga kuri icyo gitego byaje no gutuma Nonati ahanwa.
Uyu musifuzi Bwiriza Nonati yahawe igihano cyo kumara imikino itandatu adasifura, n'ubwo abafana ba Rayon Sports bo bumva bidahagije kuko yatumye batakaza amanota abiri.
Nyuma y'uwo mukino, Rayon Sports yaraye inganyije na Kiyovu Sports ubusa ku busa, byatumye ubu iri ku mwanya wa kane aho ifite amanota 33 ikaba irushwa amanota ane na APR FC iri ku mwanya wa mbere.
Bwiriza Nonati yahagaritswe imikino itandatu
