David Coote yahagaritswe mu kwezi ku Ukuboza 2024, n'Ishyirahamwe ry'abasifuzi mu Bwongereza (PGMOL) nyuma y'amashusho yagiye hanze arimo kwibasira umutoza Jurgen Klopp arimo no kwibasira ubwenegihugu bwe.
Coote yemeye ibyo ashinjwa kandi FA ivuga ko atewe “ isoni nyinshi n'ibyo yakoze." Yaniseguye ku buyobozi wa Liverpool, ndetse no kuri FA, PGMOL n’abakunzi b’umupira w’amaguru muri rusange.
Amashusho uyu musifuzi atuka Klopp ndetse avuga amagambo mabi kuri Liverpool yafashwe hafi mu kwezi kwa Kanama 2020, igihe Klopp yari umutoza wa Liverpool.
Paul Field, Perezida w’Ishyirahamwe ry'Abasifuzi mu Bwongereza, yavuze ko yizeye ko David Coote azashobora gukomeza kugira uruhare mu mupira w’amaguru mu Bwongereza agaruka mu mwuga nyuma y'ibihano.
Usibye guhagarikwa amezi abiri mu kazi , David Coote kandi yashyiriweho amasomo agomba gufata kandi ni itegeko, aho mu kuyafata bizanyura mu buryo bw'imbona nk'ubone.
Jurgen Klopp ni umwe mu batoza bitwaye neza mu bihe bya vuba muri Liverpool
Umusifuzi David Coote imikino yasifuriye Liverpool yagiye itavugwaho rumwe
