Amakuru agezweho ku mirongo y'urugamba mu ntambara ihanganishije u Burusiya na Ukraine ishyigikiwe n'u Burengerazuba bw'isi ni uko Ukraine yashwanyaguje indege enye z'u Burusiya.
Kuva muri Gashyantare 2022, ubwo u Burusiya bwatangizaga ibitero bidasanzwe bya gisirikare muri Ukraine, ni ubwa mbere u Burusiya bwatakaze indege nyinshi umunsi umwe.
Ikinyamakuru Kommersant cy'imbere mu Burusiya cyanditse ko kuri uyu wa Gatandatu tariki ya 13 Gicurasi, igisirikare cy'u Burusiya cyirwanira mu kirere cyatakaje indege enye z'indwanyi.
Iki kinyamakuru kivuga ko Ukraine yarashe indege ebyiri z'intambara harimo: Su-34 fighter-bomber, Su-35 fighter ndetse na kajugujugu ebyiri za Mi-8.
Bikaba byatangajwe ko izi ndege zatezwe igico( Ambushi) ku mupaka uhuza ibi bihugu mu Majyaruguru mu gace ka Bryansk ziraswa misile.
Ukraine yarashe indege z'intambara enye z'u Burusiya
Amakuru akaba avuga ko izi ndege ebyiri z' indwanyi zari zigiye kurasa ibisasu ku mugi wa Chernihiv, noneho ziriya kajugujugu zikaba zari zigiye gutanga umusanzu.
Ibi bikaba bifatwa nk'ibidasanzwe kuko izi ndege za Sukhoi ni zimwe mu ndege zifite ikoranabuhanga ryo hejuru kdi zikaba zinagezweho muri ibi bihe.
Ikindi kandi kurasa indege nyinshi z'u Burusiya byaherukaga muri Werurwe 2022. Bikaba byari bizwi ko indege z'Abarusiya zidedembya mu kirere cya Ukraine.
Su-35 na Mi-8 by'Abarusiya byrashwe
Ibyizi ndege zarashwe kandi byemejwe n'ibiro ntaramakuru by'Abarusiya TASS, aho banditse ko Su-34 yarasiwe ku rugamba ariko ntibavuga uko byagenze.
Aba kandi banditse ko kajugujugu yashwanyutse kubera ibibazo bya moteri mu gace ka Klintsy ku mupaka w'ibihugu byombi.Gusa ntacyo bavuze kuri Su-35.
Mu gihe ibi birimo biba, Perezida wa Ukraine Volodymyr Zelenskyy ari Berlin mu Budage aho yashimye inkunga bakomeje kumwoherereza.
