Ryari ijoro rirerire ku bakunzi b’umupira w’amaguru aho amakipe bakunda yari yamanutse mu bibuga.
Imikino yabanjirije iyindi yabaye ku isaha ya saa 19:00 yarangiye
Wolfsburg 2-1 Salzburg.
Kuri iyo saha Chelsea Fc yatsinzemo igitego kimwe ku busa Malmö.
Malmö 0-1 Chelsea igitego cya Chelsea cyatsinzwe na Hakim Ziyech 56’.
Indi mikino yabaye ku isaha ya saa 22:00 ari naho hari imikino itegerejwe na benshi.
Atalanta yari yakiriye Manchester United
Ni umukino wari witezwe na benshi kuko amakipe yombi yashakaga gutsinda kugirango abone amahirwe yo kuzamuka mu itsinda. Atalanta yari ifite inyota yo gutsinda uyu mukino kuko ubanza yari yawutakaje ku munota wa nyuma.
Manchester United nayo yari yiteguye gutanga imbaraga zayo zose binyuze ku bakinnyi bayo bakomeye nka Cristiano Ronaldo wari wateguje abakunzi bayo ko bagomba gutsinda umukino kugirango bayobore itsinda.
Ni umukino watangiye Atalanta isatira cyane ishaka igitego ku bibi n’ibyiza.
Ku munota wa 12 Atalanta yari ifunguye amazamu igitego cyatsinzwe na Josip Liličić, Atalanta yari imbere y’abafana bayo yakomeje gusatira ishakisha igitego cya kabiri ariko Manchester United ikomeza kurwana no kugarira.
Manchester United yatangiye gusatira igerageza kurema uburyo bwavamo igitego.
Byasabye ko Cristiano Ronaldo yishyura ku munota wa 45+1.
Igice cya mbere kirangira ari igitego 1-1.
Igice cya kabiri cyatangiye Manchester United ifite imbaraga nyinshi ubonako ishaka igitego cya kabiri ari nako Atalanta icungira ku mipira yatakazwaga na Manchester United.
Inzozi mbi z’abafana ba Manchester United zagarutse ku munota wa 56 ubwo Atalanta yabatsindaga igitego cya kabiri cyatsinzwe na Duván Zapata maze I Bergamo bajya mu kirere baririmba intsinzi.
Ole Gunner Solskjær akazi ke kari gatangiye kujya mu mazi abira ariko abasore be bakomeza kumwimana kuko byasabye umunota wa 90+1 kugirango Kizigenza Cristiano Ronaldo yongeye kwishyura igitego cya kabiri maze abafana ba Manchester United bongera kuruhutsa imitima.
Umukino warangiye ari ibitego 2-2 maze Cristiano Ronaldo yongera kuba umukinnyi w’umukino.
Indi mikino yakomezaga.
Dynamo Kyiv 0-1 Fc Barcelona, Cyatsinzwe na Ansu Fati
Villarreal 2-0 Young boys.
Fc Bayern Munich 5-2 Benfica.
Sevilla 1-2 Lille.
Juventus 4-2 Zinit Fc.
