U23:Amavubi yari muri Libya yakubitiwe ahareba i Nzega

U23:Amavubi yari muri Libya yakubitiwe ahareba i Nzega

 Sep 24, 2022 - 07:50

Ikipe y'igihugu Amavubi y'abatarengeje imyaka 23 yandagarijwe muri Libya, mu mikino yo gushaka itike y'igikombe cy'Afurika.

Ni umukino wabereye muri wabereye muri Libya ku mugoroba wo kuri uyu wa 23 Nzeri 2022, aho wari umukino wo gushaka itike y'igikombe cy'Afurika cy'abatarengeje imyaka 23 kizabera muri Maroc mu mwaka utaha.

Abanyarwanda bari biteze kureba uko aba basore bitwara nyuma yo kugorwa n'urugendo rurerure rwamaze amasaha asaga 30 bakoze bava mu Rwanda berekeza muri Libya.

Abakinnyi b'u Rwanda babanje mu kibuga

Muri uyu mukino wabereye Benghazi basore b'ikipe y'igihugu ya Libya batangiye bari hejuru cyane ndetse ku munota wa 21 babona penariti nyuma y'ikosa ryari rikozwe na Ishimwe Pierre, u Rwanda ruhita rutsindwa igitego cya mbere.

Igice cya mbere cyarangiye ari igitego kimwe cya Libya ku busa bw'u Rwanda, bajya kuruhuka ariko n'ubundi mu gice cya kabiri abasore ba Libya baza bari hejuru cyane bahiga igitego nk'abagitaye.

Ntibyatsinze kuko bahise batsinda ibitego bibiri nikurikirana ku munota wa 48 na 52, ubundi biba ibitego bitatu bya Libya ku busa bw'u Rwanda.

Umutoza Yves Rwasanzi yakoze mpinduka ku munota wa 70 yinjiza Kamanzi Ashraf asimbura Rudasingwa Prince, ndetse bitanga umusaruro kuko nyuma y’iminota itanu gusa yinjiye mu kibuga, Kamanzi yatsinze igitego cya mbere cy’u Rwanda ku ishoti rikomeye cyane yatereye hanze y’urubuga rw’amahina, biba ibitego 3-1.

Abasore b’u Rwanda bahise batangira kwataka cyane ngo barebe ko bakwishyura ariko ku munota 88 Libya izamukana umupira ku ruhande rw’iburyo ba rutahizamu bayo bayifasha kubona igitego cya kane.

Uyu mukino warangiye ari ibitego bine bya Libya kuri kimwe cy'u Rwanda, umukino wo kwishyura ukaba uzaba ku wa Kabiri, tariki 27 Nzeri 2022, kuri Stade Mpuzamahanga ya Huye.

Amavubi U23 yatsinzwe na Libya