Tiger Woods arasaba imbabazi nyuma yo kwandagaza umukinnyi mugenzi we

Tiger Woods arasaba imbabazi nyuma yo kwandagaza umukinnyi mugenzi we

 Feb 20, 2023 - 08:35

Umukinnyi wa Golf Tiger Woods arasaba imbabazi nyuma y'ibyo yakoreye mugenzi we Justin Thomas bari gukina, ibyo bamwe bafashe nko ku mutuka

Mu mukino wahuje Tiger woods na mugenzi we Justin Thomas, nibwo Woods yakoze igikorwa benshi batakunze, binamusunikira gusaba imbabazi.

Ubwo Tiger woods yamaraga gutsinda Justin Thomas, yahise amuhereza igikoresho gikoreshwa n'igitsinagore mu kugabanya amaraso mu gihe k'imihango kizwi 'Tampon '

Woods akaba yarakimuhereje mu ntoki amuhata, ariko undi ahita agita hasi arigendera.

Tiger woods ubwo yaherezaga tampon Justin Thomas 

Woods ubwo yavugaga kuri iki gikorwa, yavuze ko yumvaga ari ibintu biraho byo kwishimisha nta kibi yari agamije, ati "rwose ndasaba imbabazi "

Nyamara nubwo yavuze ko yabikoze ari ibintu biraho byo gutembya, abakoresha imbuga nkoranyambaga bavuze ko ibyo ari ukwibasira igitsinagore ndetse akaba yaratutswe cyane.

Ubwo yari imbere y'itangazamakuru yagize ati " Numvaga rwose ari ibintu by'imikino,sinarinzi ko byari gufatwa muri ubu buryo

Video igaragaza uburyo woods yarimo gutsindagira  Tampon mu ntoki za Thomas.

Tiger woods yagize ati" Ndasaba imbabazi kuri buri umwe ibikorwa byange byaba byaragizeho ingaruka, ntabwo naringamije kugira uwo mbangamira. Twari dusanzwe dukoresha iki gikoresho nge na bangenzi bange mu buryo kwishimisha. Ndasaba imbazi rwose."

Ibi bikaba byari byabaye mu mpera z'iki cyumweru mu mikino ya Genesis Invitational, yatwawe na Jon Rahm, ari nawe ufite umwanya wa mbere mu isi muri Golf.

Ku myaka 47 Tiger woods ukomoka muri Leta zunze ubumwe z'Amerika, akaba ari umukinnyi w'umunyamwuga mu mukino wa Golf, akaba yaranatwaye ibihembo binyuranye muri uyu mukino.