Ubuyobozi bwa East African Promoters buhagarariwe na Mushyoma Joseph uzwi nka Boubou bwatangaje ko igitaramo “East African Paty” gisanzwe kiba ngarukamwaka ariko by’umwihariko kigatumirwamo umuhanzi w’umunyamahanga, kuri iyi nshuro ntibizongera ukundi.
Mu kiganiro “EAP Mets Media” cyabereye muri Park Inn hotel ku munsi w’ejo tariki 15 Ukuboza 2022 bwatangaje ko guhera uyu mwaka igitaramo “East African Party” kizajya kigaragaramo abahanzi nyarwanda bitwaye neza mu mwaka wose.
Boubou yagize ati “Mu rwego rwo guteza imbere umuziki nyarwanda, igitaramo “East African Party” kizajya kigaragaramo abahanzi nyarwanda bitwaye neza mu mwaka wose”.
Kuva mu 2008 iki gitaramo cyatangira cyabaga kirimo abahanzi nyarwanda ariko kigahagararirwa n’umunyamahanga usibye inshuro enye cyabaye gihagarariwe n’abahanzi nyarwanda aribo The Ben wakiyoboye inshuro ebyiri 2017 na 2019 na Meddy 2018 ndetse n’icyabaye muri 2020 ubwo cyaberaga kuri televiziyo y’igihugu kirimo Cecille Kayirebwa n’abandi.
View this post on Instagram
The Ben niwe muhanzi nyarwanda umaze kuyobora igitaramo cya "East African Party" inshuro nyinshi.
Umuhanzi Meddy amaze kwitabira igitaramo cya East African Party inshuro imwe.
