Uyu mugabo araregwa ibirego bitanu byo gufata ku ngufu abagore babiri n’ikirego kimwe cyo guhohotera undi mugore. Bivugwa ko ibyo byaha yabikoze hagati ya 2021 na 2022 akiri umukinnyi wa Arsenal.
Umucamanza mukuru Paul Goldspring uri kuburanisha urubanza rwe yamutegetse kutavugana n'abo bagore batatu bafitanye ibibazo mu gihe urubanza ruri kujya mbere.
Yanategetswe kandi kubwira polisi igihe cyose azahindura aho atuye cyangwa igihe azamara iminsi 14 yikurikiranya atari iwe. Yanategetswe gutangaza ingendo mpuzamahanga mbere y’igihe.
Me Jenny Wiltshire wunganira Partey, yavuze ko umukiriya we “ahakana ibi byaha byose” kandi yiteguye “guharanira gukesha isura ye yateshejwe agaciro”.
Partey yageze muri Arsenal mu 2020 avuye muri Atlético Madrid ku mafaranga agera kuri miliyoni £45. Yakiniye Atlético kuva 2012, agaragara mu mikino 188, harimo no kuba yaragiye mu makipe nka Mallorca na Leganés ku ntizanyo.
Mu mwaka ushize w’imikino yakiniye Arsenal imikino 35 muri Premier League, atsinda ibitego 4. Yavuye muri Arsenal muri iyi mpeshyi ubwo amasezerano ye yarangiraga akaba ari mu muryango umwinjiza muri Villarreal muri Esipanye.
Umunyamakuru Fabrizio Romano yemeje ko Thomas Partey yamaze kwemeranya na Villarreal kuyikinira
Thomas Partey yagize uruhare rukomeye mu byo Arsenal yagezeho mu mwaka ushize w'imikino
