Real Madrid isinyishije uyu mufaransa nyuma y'igihe imwifuza, muri gahunda zo gukomeza gutegura abakinnyi bazasimbura Modric, Kroos, na Casemiro bamaze imyaka aribo batwaye iyi kipe.
Uyu musore w'imyaka 22 yakiniraga AS Monaco yo mu Bufaransa, akaba yaranatangiye guhamagarwa mu ikipe y'igihugu y'Ubufaransa mu marushanwa atandukanye.
Aurelien Tchouameni yamaze gusinyira Real Madrid
Uyu musore ukina hagati mu kibuga yugarira agiye muri Real Madrid nyuma yo kwifuzwa n'amakipe atandukanye arimo na Liverpool ariko Real Madrid niyo imwegukanye.
Real Madrid yishyuye miliyoni 80 z'amayelo ziziyongeraho izindi 20 bitewe n'uko azitwara, akaba yasinye amasezerano y'imyaka itandatu.
Uyu kandi aje ahasanga Edouardo Camavinga waguzwe ava muri Rennes nayo yo mu Bufaransa, ndetse na Valverde waguzwe mu 2018. Aba bakaba aribo bitezweho kuzaba bakina hagati ha Real Madrid.
Aurelien Tchouameni mu ikipe y'igihugu
