Rayon Sports ibinyujije ku mbuga nkoranyambaga zayo yashyizeho itangazo rigira riti “Ubuyobozi bwa Rayon Sports burisegura ku bakunzi bayo , kuko umukino wa gicuti wagombaga guhuza Gikundiro na Dauphin Noire yo muri DR Congo wari uteganyijwe kuri icyi cyumweru utakibaye”.
Rayon Sports yiseguye ku bakunzi bayo (Rayon Sports Instagram photo)
Rayon Sports mu mpamvu yatangaje ni uko hari umubare w’abakinnyi ba As Dauphin Noire batinze kubona ibyangombwa bibemerera gukora ingendo mpuzamahanga.
Ni umukino wagombaga kuba uyu munsi saa 3:00 z’’amanywa (Rayon Sports Instagram photo)
Amakuru ahari ni uko ntagihindutse Rayon Sports ishobora gukina umukino wa gicuti na Fc Banda yo mu cyiciro cya kabiri muri Dr Congo ku wa gatatu w’icyumweru gitaha nyuma yo gusubika uwo yari ifitanye na As Dauphin Noire.
