Ku isaha ya saa 18:00 kuri Kigali Pele Stadium nibwo hari hatangiye umukino usoza umunsi wa kabiri wa shampiyona y'ikiciro cya mbere mu Rwanda, aho ikipe ya APR FC yari yakiriye Police FC.
Ni Police FC yari yatsinze APR FC mu mukino uheruka wa shampiyona y'umwaka 2022-2023 ndetse ikaba yaranatangiye uyu mwaka itsinda Sunrise FC, mu gihe APR FC Yo itakunnye umukino ubanza kubera imikino ya CAF Champions League.
Abakinnyi umutoza Thierry Froger wa APR FC yabanje mu kibuga: Pavelh Ndzila, Fitina OMBORENGA, Prince BUREGEYA, Samuel Bidjeme, Christian ISHIMWE, Taddeo Lwanga, Sharafeldin Shaiboub, Alain KWITONDA, Ramadhan NIYIBIZI, Gilbert MUGISHA na Innocent NSHUTI.
Abakinnyi umutoza Mashami Vincent wa Police FC yabanje mu kibuga: Onesime Rukundo, Carnot SIBOMANA, Samuel Ndizeye, Ally KWITONDA, Eric RUTANGA, Eric NSABIMANA, Abedi Bigirimana, Savio NSHUTI, Muhadjiri HAKIZIMANA, Odili Chukwuma na Didier MUGISHA.
Igice cya mbere cyaranzwe n'ikipe ya Police FC yatsinzwe urugamba rwo hagati mu kibuga byanayiviriyemo gutsindwa igitego na Sharaf Eldin Shaiboub Ali, ku mupira yahawe na Ishimwe Christian ku munota wa 39 w'umukino.
Shaiboub niwe watsindiye APR FC
Mu gice cya kabiri Police FC yagerageje gukora impinduka mu mikinire ndetse ibona uburyo bwashoboraga gutuma yishyura igitego, ariko APR FC yugarira neza birangira itahanye amanota atatu ku gitego kimwe.
Uko indi mikino y'umunsi wa kabiri yagenze
Gasogi United 2-0 Muhazi United
Kiyovu Sports 2-0 AS Kigali
Mukura VS 1-0 Marine FC
Musanze FC 1-0 Bugesera FC
Sunrise 1-0 Etoile de L'Est
Gorilla FC 0-0 Rayon Sports
Amagaju 2-0 Etincelles
Umukino warimo ishyaka ryinshi
