Ballon d'Or ya 2021 ikomeje guteza impagarara

Ballon d'Or ya 2021 ikomeje guteza impagarara

 Nov 27, 2021 - 10:52

Igihembo cya Ballon d'or cya France football kiratangwa kuri uyu wa mbere.

Mu gihe hasigaye amasaha macye cyane ngo ikinyamakuru France football gitangaze umukinnyi uhabwa ballon d'or,abenshi bakomeje kuvuga ibitandukanye kuri icyo gihembo cy'uyu mwaka.

Mu gihe hari ababonaga ko umunya-Poland witwa Robert Lewandowski ukinira Bayern Munich akwiye byibuze kugaragara muri babiri ba mbere,hari amakuru avuga ko uyu mugabo ari uwa gatatu kuri ballon d'or y'uyu mwaka.

Robert Lewandowski ukinira Bayern Munich(Image:The guardian)

Mu mwaka w'imikino ushize Robert Lewandowski yatsinze ibitego 48 mu mikino 40 yakiniye ikipe ya Bayern Munich mu marushanwa atandukanye yakinnye.

Uyu mugabo kandi w'imyaka 33 yatsindiye ikipe ye y'igihugu ibitego 11 muri uyu mwaka harimo ibitego 3 yatsinze muri Euro 2020,amakuru akomeje kuvuga ko aza inyuma ya Lionel Messi na Karim Benzema.

Robert Lewandowski byari byitezwe ko yari guhabwa ballon d'or y'umwaka ushize ariko ntiyatangwa kubera icyorezo cya Covid-19.

Niba koko amakuru yagiye hanze ariyo ni agahinda kaba kiyongera ku kandi ku ruhande rw'uyu mugabo dore ko hari n'ababona yari akwiye kuyihabwa uyu mwaka.

Umunyamakuru w'umunya-Espagne witwa Josep Pedrerol niwe watangaje ayo makuru ko Lionel Messi na Karim Benzema bari imbere inyuma hakaza rutahizamu Robert Lewandowski.

Karim Benzema rutahizamu wa Real Madrid(Image:NPR)

Nyuma y'igenda rya Cristiano Ronaldo ava mu ikipe ya Real Madrid Karim Benzema niwe wasigaye ahetse iyi kipe dore ko mu myaka itatu iheruka yatsinze byibuze ibitego 27 ariko imibare ye iri mu nsi y'iya Robert Lewandowski.

Ku ruhande rwa Lionel Messi kuva yajya muri PSG ava muri FC Barcelona ntaritwara nk'uko yari ategerejwe ariko nyuma yo gutsinda ibitego muri FC Barcelona, yanafashije ikipe ye y'igihugu ya Argentine gutwara Copa America.

Lionel Messi rutahizamu wa PSG(Image:AFP)

Lewandowski avuga kuri Ballon d'or ya 2020 yagize ati:"Ballon d'or nakayihaye nge ubwange!"

"Twatwaye ibikombe byose twagombaga gutwara kandi nabaga mfite ibitego byinshi muri ayo marushanwa yose."

Robert Leqandowski aganira na Marca yavuze kuri ballon d'or ya 2021, yagize ati:"Kuba bishoboka ko natwara ballon d'or uyu mwaka bivuze byinshi kuri njye. Bintera ishema,urebye ku bintu nagezeho,bitari uyu mwaka gusa,n'umwaka ushize ubwo bakuragaho ballon d'or,natwaye ibikombe byinshi ndetse ntsinda ibitego byinshi."

"Buri wese abona ibyo nakoze kandi nkomeje gukora."

"Ibyo nakoze birivugira byo ubwabyo,iyi myaka ibiri ishize nakoze neza cyane,bitari kuri njye gusa ahubwo no ku mukinnyi uwo ariwe wese mu mateka."

Ikinyamakuru France football gitanga ballon d'or kuri uyu wa mbere nibwo gitangaza umukinnyi urahabwa iki gihembo cyo mu mwaka wa 2021.