Umuvugizi w'ibiro by'Umukuru w'Igihugu mu Burusiya Kremlin bwana Dmitry Peskov yatangaje ko kuri uyu wa mbere Perezida Vladimir Putin mu biro bye Kremlin yakiriye umuyobozi w'umutwe wa Wagnar Group Yevgeny Prigozhin ari kumwe n'abandi bakomando be 35.
Peskov yavuze ko mu gihe cy'amasaha 3 baganiriye ku cyatumye uyu mutwe wigumura mu mpera za Kamena.
Iyi nama yatangajwe bwa mbere n’ikinyamakuru cyo mu Bufaransa Liberation, kivuga ko Prigozhin yahuye na Perezida Putin n’umuyobozi w’ingabo z’igihugu, Viktor Zolotov, ndetse n’umuyobozi w’ubutasi bwo mu mahanga Serge Naryshkin.
Perezida Vladimir Putin yahuye n'umuyobozi wa Wagnar Group Yevgeny Prigozhin i Kremlin
Nkuko uyu muvugizi yabitangarije Abanyamakuru, Perezida Putin yahaye amahirwe abarwanyi ba Wagnar yo kongera gukora mu ngabo z'igihugu ndetse n'indi mirimo, nabo bamusezeranya ko biteguye kurwanira Igihugu cyababyaye.
Perezida Putin ahuye na Prigozhin nyuma yuko Perezida wa Beralus Alexander Lukashenko yari aherutse gutangaza ko Prigozhin ari mu Burusiya kandi yidedembya. Ubwo byari nyuma yuko uyu mugabo yari yahawe ubuhingiro muri Beralus nyuma yo kwigumura.
