Abanyarwanda n'abakunzi ba shampiyona y'ikiciro cya mbere mu Rwanda bari bamaze iminsi bategereje ko hatangazwa amasezerano hagati y'ikigo cy'igihugu cy'itangazamakuru(RBA) na Rwanda Premier League ku kwerekana iyi shampiyona y'u Rwanda.
Byavugwaga ko impande zombi zamaze kumvikana miliyoni zisaga 300 z'amanyarwanda, RBA igakomeza kwerekana iyi shampiyona ndetse inayogeza kuri radio nk'uko byari bisanzwe.
Ku gicamunsi cyo kuri uyu wa Kane nibwo ibaruwa Rwanda Premier League yanditse isubiza RBA yagiye hanze, ibamenyesha ko uburenganzira bwo kwerekana iyi shampiyona RBA itazabuhabwa munsi ya miliyoni 400 z'amayanyarwanda.
Rwanda Premier League yabwiye RBA ko amafaranga yatanze(offer) yanzwe, ndetse ubu ikaba itemerewe kwerekana imikino y'umunsi wa gatanu wa shampiyona iteganyijwe mu mpera z'icyumweru gitaha guhera tariki 30 Nzeri 2023.
Ibaruwa Rwanda Premier League yandikiye RBA
