Buri mwaka kuva ku itariki 07 kugeza kuri 13 mata, habaho igikorwa cyo kwibuka abazize Genocide yakorewe abatutsi muri mata 1994.
Ni icyumweru abantu bamara bigisha abana babo amateka mabi yaranze igihugu cy'u Rwanda ndetse abantu bakongera bagahurira hamwe bakiyibutsa amateka.
Iki cyumweru kibaye ku nshuro ya 29, hari amasomo menshi abantu bagiye bakura muri iyi minsi yagenewe kwibuka abazize Genocide yakorewe abatutsi.
1. Kudaheranwa n'amateka
Mu cyumweru cyo kwibuka abantu bongera kwigishwa kudaheranwa n'amateka mabi yaranze u Rwanda ahubwo abantu bose bagahagurukira rimwe bagashaka uko bakomeza kubaka igihugu cy'u Rwanda.
Iyo twibuka abacu bazize Genocide yakorewe abatutsi, abantu bagahura bakaganira bagasabana, bituma abantu badakomeza guheranwa n'amateka mabi yaranze u Rwanda.
2. Kongera kwiyunga.
Muri iki cyumweru, abakoze ibyaha n'ababikorewe barahura bakaganira ku ibyabaye bigatuma batera intambwe yo kwiyunga bakirengagiza ibibatanya.
Abakoze ibyaha baboneraho gusaba imbabazi abo bakoreye ibyaha ndetse bakemera guca bugufi bagaharanira kurwanya ko Genocide yakongera kubaho ukundi.
3. Guha agaciro abazize Genocide yakorewe abatutsi.
Muri iki cyumweru abantu bongera kwibuka abazize Genocide yakorewe abatutsi ndetse bakabaha agaciro bakwiye.
Buri muryango wose wabuze ababo wongera kubaha agaciro ndetse n'inshuti n'abavandimwe bakifatanya nabo muri icyo gihe kitoroshye.
4. Guharanira ko amateka mabi atazongera ukundi.
Hari abantu bagihakana ndetse banapfobya Genocide yakorewe abatutsi muri Mata 1994 ndetse muri bo hari n'abagize uruhare mu gutegura no gushyira mu bikorwa Genocide yakorewe abatutsi.
Muri iki cyumweru, abantu bongera kwibuka abazize Genocide yakorewe abatutsi bakabaha agaciro bigatuma bongera kwibuka ubukana Genocide yakoranwe bityo akaba ari nta muntu wakongera kuzana ingengabitekerezo ya Genocide.
5. Kutibagirwa
Iyo utibutse bituma wibagirwa. Iyo wibagiwe ukora ikosa, iyo ukoze ikosa uricuza.
Mu rwego rwo kwirinda kwicuza, abanyarwanda ndetse n'inshuti z"u Rwanda bafata icyumweru kimwe cyo kwibuka ibyabaye ku buryo bitazongera kubaho ukundi.
