Nyuma yo kuba iya gatanu muri shampiyona ya 2021-2022, ikipe ya Arsenal yazanye imbaraga zikomeye ku isoko aho ikomeje kwerekana ko byibuze gahunda ari kuza mu makipe ane ya mbere mu mwaka utaha w'imikino.
Ku mugoroba wo kuri uyu wa Gatanu nibwo ikipe ya Arsenal yakinnye umukino wa gicuti na Numberg yo mu Budage, birangira Arsenal itsinze ibitego 5-3.
Nyuma y'uyu mukino Mikel Arteta yaganiriye n'itangazamakuru, ndetse bakomoza ku kuntu iyi kipe ikomeje kwitwara ku isoko ry'igura n'igurisha muri iyi mpeshyi.
Arteta yagize ati:"Hari ibintu byinshi twifuza gukora niba tubishoboye. Biragaragara ko isoko rizagena icyo dushobora gukora. Kugeza ubu twishimiye ibyo twakoze.
Arteta kandi yabajijwe ku bivugwa ko iyi kipe iri muri gahunda zo gusinyisha umukinnyi wo hagati w’umubiligi Youri Tielemans.
Arteta yagize ati:"Ntabwo tujya tuvuga ku bakinnyi batari abacu. Dushobora gukomeza kubaka ikipe dushingiye ku isoko kandi tugiye kugerageza no kubikora, ariko ntituzavuga amazina."
Muri iyi mpeshyi Arsenal yasinyishije umuzamu Matt Turner, Fabio Vieira ukina hagati mu kibuga, ndetse na rutahizamu Gabriel Jesus.
Gusa hari n'abandi bakinnyi iyi kipe igishaka harimo myugariro Lisandro Martinez, Youri Tielmanns, ndetse n'abandi bavugwa.
Arsenal ikomeje kwiyubaka yitegura umwaka w'imikino(Net-photo)
