Ikipe ya Chelsea yatwaye iki gikombe nyuma yo gutsinda Paris Saint Germain ibitego 3-0, byinjijwe na Cole Palmer (22', 30') na João Pedro (43'), umukino witabiriwe na Perezida wa Leta Zunze Ubumwe za Amerika, Donald John Trump.
Chelsea yatangiye urugendo rwayo muri FIFA Club World Cup ihabwa miliyoni $33.70 yo kwitabira, yongerwa miliyoni $4 yavuye mu gutsinda imikino ibiri mu matsinda ndetse na miliyoni $7.5 yo kugera mu mikino ya 1/8.
Gutsinda Benfica mu mikino ya 1/8 ikagera muri 1/4 kirangiza byatumye Chelsea yinjiza miliyoni $13.125, gutsinda Palmeiras muri 1/4 ikajya muri 1/2 byayifashije kubona miliyoni $21.
Chelsea yakomeje muri kimwe cya 1/2 aho yahuye na Fluminense FC banayikuramo ihabwa miliyoni $30, bituma igera ku mukino wa nyuma byanayihesheje miliyoni $40 ku bwo gutwara igikombe.
Ikipe ya Chelsea ubwo byibuze ivuye muri iki gikombe ivanyemo miliyoni $149.325, ikaba ari nayo kipe yasaruyemo amafaranga menshi, ikurikirwa na Paris Saint Germain ndetse na Real Madrid.
Donald John Trump na Gianni Infantino bitabiriye uyu mukino wa nyuma
Paris Saint Germain n'iyo kipe ya kabiri yinjije amafaranga menshi
