Umuhanzi nyarwanda Ngabo Medard uzwi ku zina rya (Meddy) ni umwe mu bahanzi bahagaze neza muri muzika nyarwanda nubwo adakunze gukorera umuziki we mu Rwanda. Ni mu gihe yari amaze amezi agera kuri arindwi nta ndirimbo nshya arekuye kuko yaherukaga iyitwa “Carolina”. Meddy rero akaba yamaze gushyira hanze amashusho y’indirimbo ye nshya yise “My Vow” ikaba yagiye hanze mu buryo bw’amajwi n’amashusho.
Iyi ndirimbo Meddy yakoreye umukunzi we baherutse kurushinga, yari itegerejwe n'abatari bake, kuko mbere yuko ayishyira hanze yabanje guteguza abakunzi be ku mbugankoranyambaga ze ko ari hafi kubaha indirimbo nshya. Ibi rero bikaba byaratumye bategerezanya amatsiko menshi iyi ndirimbo y’icyamamare Meddy.
Iyi ndirimbo ya Meddy yuzuyemo imitoma myinshi aho aba ataka umukunzi we. Ni indirimbo yakozweho n'abantu benshi batandukanye harimo: Video Director: 1SHOT, Audio Producer: Madebeat & Licky, Kandi na The Ben yayigizeho uruhare rukomeye cyane, Nkuko Meddy yabyitangarije we ubwe.
Kanda hano urebe amashusho yiyi ndirimbo “My Vow” Ya Meddy:
