Lionel Messi kuva yava mu ikipe ya FC Barcelona mu ntangiro z'uyu mwaka w'imikino ntago yari yasubira mu bihe bye neza.
Ni umugabo wagiye ubura ku mikino inyuranye ya PSG kubera ibibazo by'imvune ndetse no kujya mu ikipe y'igihugu akaruhutswa kubera urugendo rwo kuva muri America y'epfo n'igihe baba bakiniye.
Lionel Messi yerekanwa muri PSG(Image:Sky sports)
Kuri iyi nshuro uyu munya Argentina ntiyakinnye imikino ibiri iheruka ya PSG kubera imvune y'ivi. Ariko yahamagawe mu ikipe y'igihugu ndetse ashyirwa mu ikipe yakinnye na Uruguay mu gushaka itike y'igikombe cy'isi mu rukerera rwo kuri uyu wa Gatandatu.Argentine ikaba yanatsinze 1-0 cya Di Maria, Messi akaba yinjiye mu kibuga asimbura.
Kuri uyu wa Kane Lionel Scaloni utoza Argentine, mu kiganiro n'itangazamakuru yagerageje kuvuga kuri icyo cyemezo kandi avugako nta kibazo bafitanye na PSG.
Ni mu gihe diregiteri w'imikino muri PSG witwa Leonardo yari aherutse gutangaza amagambo agaragaza kutishimira imikoreshereze ya Messi mu ikipe y'igihugu.
. Nasser El-Khelaifi,Lionel Messi na Leonardo(Image:Inside sports)
Lionel Scaloni yagize ati:"Dufitanye umubano mwiza na Leonardo kandi ibyatangajwe birumvikana, muri iyi minsi Messi amaze igihe kinini mu ikipe y'igihugu."
"Ariko ibyo ntibivuze ko hari amabwiriza twishe kuba tumuhamagara, ibyo biba ikibazo ku makipe y'i Burayi."
Lionel Scolani umutoza wa Argentine(Image:Mundo Albiceleste)
Mu minsi ishize Leonardo we yavugaga ko hari aho na FIFA ikwiye kwicarana n'amakipe ku bibazo nk'ibi bigakemurwa ntawe uhutajwe.
