Iyi baruwa igaragaza impungenge ku buryo abafana n'abandi bazitabira iki gikombe cy'Isi bazinjira muri Amerika n'ingamba nshya za Perezida Donald Trump zijyanye n'abinjira n'abasohoka muri iki gihugu.
Ibaruwa ikomeza isaba FIFA gukoresha ububasha bwayo igasaba ubuyobozi bwa Donald Trump kwizeza uburenganzira bw’ibanze bw’abafana ba ruhago bazifuza kwitabira icyo gikombe.
Umuyobozi wa FIFA, Gianni Infantino muri iyi minsi afitanye ubucuti bwa hafi na Donald Trump, ndetse mu kwezi gushize aba bombi barahuye bagirana ibiganiro mbere y'uko igikombe cy'Isi cy'amakipe (Club World Cup 2025) gitangira.
Izi mpungenge zijyanye no kwinjira muri Amerika bigoye kubera amabwiriza mashya ya Donald Trump, ziyongeraho ku zijyanye n'ubwitabire kuri sitade ndetse n'ikirere kiri guhagarika imikino myinshi.
Ibihugu abaturage babyo batemerewe kujya muri Amerika (fully restricted) ni Afghanistan, Myanmar, Chad, Republic ya Demokarasi ya Congo, Equatorial Guinea, Eritrea, Haiti, Iran, Libya, Somalia, Sudan, ndetse na Yemen.
Ibihugu byashyiriweho ingamba zikakaye (Partial Restrictions) ni u Burundi, Cuba, Laos, Sierra Leone, Togo, Turkmenistan, na Venezuela.
Donald Trump yafashe imyanzuro ikakaye ku binjira n'abasohoka muri Amerika
Gianni Infantino arasabwa kugira icyo akora ku kibazo cyo kwinjira muri Amerika
