Kompanyi 18 zamaze guhagarika gukorana n'ikigo cya Empower Global yashinzwe na P.Diddy, nyuma y'uko ibirego bishinja uyu mugabo gufata ku ngufu bikomeje kwisukiranya umunsi ku munsi.
Umuyobozi w'uruganda rwa House of Takira ruzwiho gukora inikapu bihenze, amadarubindi ndetse n'utwuma dufasha amenyo kumera neza tuzwi nka 'apparel' mu cyongereza, yemereye Rolling Stone Magazine ko bamaze guhagarika gukorana n'iyi kompanyi ya P.Diddy.
Uyu mugore witwa Annette Njau yagize ati:''Ibirego bishinjwa Mr.Coms(P.Diddy) twabifashe nk'iobikomeye, kandi imico nk'iriya ntikwiye kwakirwa cyangwa ngo yihanganirwe. Twizeye ndetse dushyigikiye uburenganzira bw'abo barenganyijwe, ndetse n'iyo twaba duhanganye n'abanyembaraga.''
Iyi nkuru dukesha Rolling Stone ikomeza ivuga ko muri rusange kompanyi zigera kuri 18 zamaze gutandukana n'iyi Empower Global ya P.Diddy yashinzwe mu 2021.
Ibindi bigo by'ubucuruzi byahagaritse gukorana n'iyi kompanyi y'uyu muraperi harimo nka skincare brand, Tsuri, footwear line, Rebecca Allen, jewelry label, Fulaba, sunscreen brand, Baby Donna, ndetse n'ibindi bitashimishijwe n'ibyo uyu mugabo ari gushinjwa.
Ibi b9je nyuma y'uko ikirego cya kane gishinja P.Diddy ibyo gufata ku ngufu nacyo kigejejwe imbere y'ubutabera n'uwitwa Jane Doe.
Uyu mugore avuga ko yafashwe ku ngufu n'itsinda ry'abagabo barimo P.Diddy mu 2003 ubwo uyu mugore yari afite imyaka 17. Aha ngo harimo P.Diddy, Harve Pierre, uwahoze ari perezida wa Bad Boy Records(Inzu ifasha abahanzi ya P.Diddy), ndetse n'undi mugabo utaravuzwe.
Ibi birego kandi biri mu byatumye mu Ugushyingo uyu mwaka, P.Diddy ava ku mwanya wo kuba umuyobozi wa Revolt TV, kompanyi nayo iri muzashinzwe n'uyu mugabo.
P.Diddy atangiye gukorwaho n'ibirego akomeje kuregwa
