Nk’uko byatangajwe n’umunyamakuru David Ornstein wa The Athletic, Mourinho w’imyaka 63 y’amavuko yasinyiye Real Madrid mu cyumweru gishize, aho yasinye kuzatoza iyi kipe kugeza muri Kamena 2029.
Gutangaza Mourinho nk’umutoza byagombaga kuba byaramaze gukorwa, gusa gahunda y’amatora ya perezida wa Real Madrid ni yo yatumye bitinda, aho biteganyijwe ko ariho bizatangarizwa ku mugaragaro.
Mourinho agiye kugaruka muri Real Madrid ku nshuro ya kabiri, nyuma yo kuyitoza hagati ya 2010 na 2013 aho yayifashije kwegukana ibikombe bya La Liga ndetse na Copa del Rey.
Kugaruka kwa Mourinho muri Real Madrid bitegerejwe na benshi, cyane cyane abakunzi b’iyi kipe bifuza kongera kubona ibihe byiza yagiranye n’iyi kipe mu myaka yashize.
Umwanditsi: NIYOMUKIZA Gratien
