Amakuru aravuga ko abenshi muri aba biyahuye ari abasirikare b’ingabo z’ingoboka boherejwe mu Ntara ya Gaza, aho imirwano imaze igihe ikaze. Ibibazo by’ubuzima bwo mu mutwe biri gutuma benshi mu basirikare bagira ihungabana rikabije, aho abagera ku 3,770 bamaze gusanganwa indwara y’ihungabana rituruka ku byabaye (PTSD), naho abandi barenga 10,000 bari mu rugendo rwo kuvurwa mu rwego rwo kugarura ihungabana ryabo ku murongo.
Uretse ikibazo cy’ihungabana, imibare y’abasirikare baguye n’abakomerekeye ku rugamba irakomeje gutera impungenge. Raporo zigaragaza ko abasirikare 895 bamaze kwicirwa ku rugamba naho abandi 6,134 bakaba barakomerekeye mu mirwano. Nubwo bimeze bityo, hari amakuru avuga ko ubuyobozi bw’igisirikare bushobora kuba buri guhisha imibare nyakuri y’abo basirikare bapfuye cyangwa bakomeretse.
Abasesenguzi mu bijyanye n’ubuzima bwo mu mutwe basaba ko hashyirwaho ingamba zihamye zo gufasha abasirikare bahuye n’ingaruka z’intambara, cyane cyane abagaragaza ibimenyetso by’ihungabana no kwiheba.
Ibi bibazo bije mu gihe Israel ikomeje ibikorwa bya gisirikare muri Gaza, aho imirwano imaze gusiga ibikomere bikomeye ku mpande zombi.
Imibare y'abasirikare ba Israel biyahurira muri Gaza ikomeje kuzamuka
