Mu gihe igikombe cy'Isi cy'amakipe gikomeje muri Leta Zunze Ubumwe za Amerika, abafana bakomeje kuba iyanga ku masitade, ibishyira ku gitutu FIFA kuko benshi bayishinja kujyana amarushanwa manini nk'aya ahantu hadakwiriye.
Ku mukino wa Chelsea na Fluminense uzaba kuri uyu wa Kabiri tariki 08 Nyakanga 2025, amatike yavanwe ku mafaranga y'amadorali $473.90 ashyirwa $13.40 nyuma y'amasaha 72 ibiciro byaya matike bigiye hanze.
FIFA iherutse na none gukora ibikorwa nk'ibi bigamije kongera umubare w'abafana baza ku bibuga, yatanze amatike 4 ku bakozi b’inyongera (volunteers) ba FIFA ku mikino yose ya 1/4 kirangiza uretse uwa Real Madrid na Borussia Dortmund.
Impuzamashyirahamwe ya Ruhago kandi yahindaguye cyane ibiciro by'amatike yo kwinjira ku mikino ya Real Madrid na Dortmund ndetse na PSG na Bayern Munich.
Ubwitabire bw'imikino imwe ni imwe:
PSG na Bayern (Mercedes-Benz Stadium): Abafana 66,937 – 89% by'ubushobozi bwa sitade.
Chelsea na Palmeiras (Lincoln Financial Field): hinjiye 95% by'ubushobozi bwa sitade.
Fluminense na Al Hilal (Camping World Stadium): hinjiye 66% by'ubushobozi bwa sitade.
Ntabwo abafana bitabiriye iyi mikino ku buryo buhagije
FIFA n'umuyobozi wayo Gianni Infantino bahangarikishijwe n'ibura ry'abafana
