Umuhanzi wo mu gihugu cya Uganda Eddy Kenzo, yagiye mu itangazamakuru kunyomoza amakuru avuga ko ari mu rukundo na Minisitiri Phiona Nyamutooro ushinzwe ibijyanye n'ingufu (Minister of State for Energy and Minerals Development) muri Uganda.
Ibihuha by'urukundo rw'aba bombi, byatangiye mu mwaka washize, ariko byongeye kwaduka mu Cyumweru cyashize ku wa Kane, ubwo Perezida wa Uganda Yoweri Kaguta Museveni yahaga imirimo mishya Phiona Nyamutooro akagirwa Minisitiri, ako kanya Eddy Kenzo akaba uwa mbere mu kwishimira iyo mirimo mishya.
Eddy Kenzo yahakanye ibyo gukundana na Minisitiri Phiona
Eddy Kenzo yanyarukiye ku mbuga nkoranyambaga ze atangira gupositinga inshuro nyinshi uyu mukobwa mu buryo bwatunguye benshi. Ntabwo byagarukiye aho kandi, kuko ku wa Mbere w'iki Cyumweru nabwo Phiona yaherekeje Eddy Kenzo ku ishuri kureba umukobwa we Maya.
Ntabwo ari ibyo gusa kandi, kuko Phiona yagaragaye yambaye ikoti risa nirya Eddy Kenzo, ibyongeye kuzamura amakuru y'uko bakundana. Nyamara rero, mu kiganiro Eddy Kenzo yagiranye na Sanyuka TV, yagaragaje ko nta rukundo ruri hagati yabo, gusa avuga ko Phiona ari inshuti nziza.
Yunzemo ko ibyo kuba baragaragaye bambaye imyenda isa, byabayeho nk'ibintu by'impanuka byahuriranye, ndetse ko uruganda ruba rwarakoze imyenda myinshi isa, bityo ko bitahuzwa n'urukundo. Nubwo Eddy Kenzo yatanze ibi bisobanuro, ariko abafana banze kubyemera bemeza ko bakundana ntakabuza.
Minisitiri Phiona uvugwa mu rukundo na Eddy Kenzo