Iserukiramuco rya 'Dreamville' ritegurwa n'umuraperi w'Umunyamerika Jermaine Lamarr Cole umenyerewe ku mazina ya J.Cole,yatangaje ko kuri iyi nshuro ryongeye kugaruka bundi bushya.
J. Cole akaba yavuze ko Drake, Usher na Burna Boy bari mu bazaba bari imbere muri ibi birori bizabera i Raleigh, muri Karorina y'Amajyaruguru muri USA.
Mu bandi bazaba bahari kandi harimo: Sean Paul, City Girls, Summer Walker, Lil Durk, Glorilla, Lennox ndetse n'abandi.
Iserukiramuco rya Dreamville bikaba biteganyijwe ko rizaba tariki ya 01 niya 02 Mata 2023, muri Dorothea Dix Park, i Raleigh, muri Karorina y'Amajyaruguru.
Umuraperi J.Cole utegura Dreamville Festival
Mu myaka yashize iri serukiramuco rya Dreamville rikaba ritaragiye rigendana neza bitewe n'ikirere kibi ndetse n'icyorezo cya Covid-19.
Icyakora mu mwaka washize ryarabaye,ndetse rikaba ryaritabiriwe n'abarimo Lil Baby, JID, Rico Nasty C ndetse na Kehlani.
Iserukiramuco rya Dreamville ni ibirori bya muzika biba buri mwaka muri Raleigh muri Karorina y'Amajyaruguru bigategurwa n'icyamamare muri Hip hop J.Cole hamwe nitsinda rye rya Dreamville.
