Ronaldo yabitangaje nyuma y'uko Portugal isezerewe mu gikombe cy'Isi cya 2026 itsinzwe na Espagne igitego 1-0, cyatsinzwe na Mikel Merino mu minota y'inyongera.
Ni umukino utagenze neza ku ruhande rwa Portugal, kuko Ronaldo yabujijwe uburyo bwo gukina n'ubwugarizi bwa Espagne, asoza umukino akoze ku mupira inshuro 19 gusa.
Ku myaka 41 y'amavuko, aya yari amahirwe ye ya nyuma yo kwegukana igikombe cy'Isi, nubwo we yavuze ko yumva yaratwaye icya Euro ya 2016 afata nk'igifite agaciro kamwe n’ik'isi.
Yagize ati: "Igikombe gikomeye natwaye nkiri mu ikipe y'igihugu ni Euro 2016, kandi kuri njye gifite agaciro kangana n'igikombe cy'Isi. Nsoje mfite umutima utuje, kandi ubuzima burakomeza."
Aya magambo yongeye kurikoroza nyuma y’andi uyu rutahizamu yagiye atangaza ku gikombe cy’isi ntavugweho rumwe, aho abenshi bavuze ko ayatangaje nyuma yo kubona ko atazigera atwara igikombe cy’isi.
Umwanditsi: NIYOMUKIZA Gratien
