Cristiano Ronaldo yahawe nimero yambuwe Cavani Edinson

Cristiano Ronaldo yahawe nimero yambuwe Cavani Edinson

 Sep 3, 2021 - 10:23

Cristiano Ronaldo wamamaye akiri muri Manchester United aho yambaraga nimero 7 yajya mu yandi makipe akayikomeza, yagarutse muri Man United arayisubizwa.

Amakuru y’imikino ari kugaruka cyane ni Ousmane Dembele na Cristiano Ronaldo bahawe nimero imwe mu makipe bagiye gukinira. Cristiano Ronaldo uherutse gutera umugongo ikipe ya Juventus akerekeza muri Manchester united yamugize icyamamare yahawe nimero azambara muri iyi kipe ndetse iyi nimero akaba yayihuriyeho na Ousmane Dembele wo mu ikipe ya FC Barcelona.

Ousmane Dembele yerekeje mu ikipe ya FC Barcelona avuye muri Borussia Dortmund yo mu Budage gusa igihe cye mu ikipe ya Barcelona cyaranzwe n’imvune nyinshi. Cristiano Ronaldo w’imyaka 36, yakiniraga Juventus de Turin yo mu Butaliyani, aho yari amaze imyaka itatu nyuma yo kuva muri Real Madrid. Aba bakinnyi bombi bakaba bamaze guhabwa nimero 7 mu makipe yabo.

Manchester United yemeye kwishyura miliyoni 12,8£ ku masezerano y’amezi 10 Cristiano Ronaldo yari asigaje muri Juventus. Ousmane Dembele wagiye urangwa n’imvune nyinshi kuva yagurwa akaba ari bamwe mu bakinnyi amakipe bakinira bitezeho umusaruro cyane aho Barcelona nyuma yo gutakaza Lionel Messi werekeje muri PSG ubu yiteze umusaruro kuri Ousmane Dembele ndetse na Ansu Fati.

Ronaldo yatsinze ibitego 118 mu mikino 292 yakiniyemo Manchester United ubwo yayibagamo bwa mbere kugeza mu 2009, aho yahise agurwa na Real Madrid akaba aje mu ikipe ya Manchester United  mu gihe benshi bamwitezeho kuzakorera byinshi iyi kipe kurenza ibyo yayikoreye ubwo yari ayirimo. Hari amakuru avuga ko uruganda rwambika rwa Adidas rwambika Manchester United ruri ku gitutu cyo gukora Jersey nyinshi kubera Cristiano wagarutse muri iyo kipe.

Umwanditsi: Blackcat Thierry