Covid-19: abantu 35 binjiye mu bitaro naho abantu 9 yabahitanye

Covid-19: abantu 35 binjiye mu bitaro naho abantu 9 yabahitanye

Pundit Pundit  Jul 25, 2021 - 00:50

Minisiteri y’Ubuzima (MINISANTE) yatangaje ko ku wa Gatandatu tariki 24 Nyakanga 2021, mu Rwanda abantu 9 bishwe na Covid-19, na ho mu minsi irindwi ishize (7) icyo cyorezo kikaba kimaze guhitana abantu 90. Iyo Minisiteri itangaza kandi ko kuri uwo munsi abantu 35 binjiye ibitaro, mu gihe mu minsi irindwi ishize abinjiye ibitaro kubera kurwara Covid-19 ari 252.

Abanduye bashya mu minsi irindwi ishize mu Mujyi wa Kigali ni 367/100,000 na ho mu tundi turere akaba ari 47/100,000.

Kuri uwo munsi kandi abasezerewe mu bitaro ni 28 na ho mu minsi irindwi ishize abaserewe mu bitaro bose ni 105.

Abitabye Imana ni abagore batandatu b’imyaka 81 (Huye), 81, 65 (Kigali), 63 (Kigali), 80, 76 (Karongi) na 65 (Musanze) n’abagabo batatu b’imyaka 88 (Musanze) 49 (Kigali) na 39 (Huye) bakaba bahise buzuza umubare w’abantu 727 bamaze kwicwa na Covid-19 mu Rwanda.

Inzego zishinzwe ubuzima zisaba Abaturarwanda baba abakingiwe n’abatarakingirwa gukomeza kwitwararika birinda kwandura cyangwa kwanduza abandi icyorezo cya COVID-19 gikomeje kugaragaza ubukana mu Rwanda n’ahandi ku isi.