Ni inama yitabiriwe n’abasaga 4000 bo mu bihugu 56. Abitabiriye barimo abakuru b’ibihugu, abashoramari, abayobora ibigo bikomeye n’inganda n’urubyiruko rwo muri ibyo bihugu. Turebe amasezerano 6 yasinywe akaba yarasigaye mu kabati I Kigali. Azagenda ashyirwa mu bikorwa mu bihe biri imbere bitewe n’ibyihutirwa biyakubiyemo.
- U Rwanda ruzakira inama ya 73 y’inteko rusange ya FIFA (73rd FIFA congress meeting)
Ishyirahamwe ry’umupira w’amaguru ku isi ryemejeko Kigali izakira iyo nama. Muri iyo nama hazatorerwamo umuyobozi mukuru uzayobora iryo shyirahamwe mu myaka iri imbere. Ni inama izaba ku itariki 16 Werurwe mu 2023. Bwana Gianni Infantino yari mu Rwanda muri ya nama ya CHOGM. Ni inama yaherukaga mu 2018 hari mu Ukwakira.
- u Rwanda na Barbados basinyanye amasezerano y’ishoramari
RDB ku ruhande rw’u Rwanda n’ikigo gishinzwe iterambere muri Barbados agamije guteza ishoramari ry’ibihugu byombi. Yashyizweho umukono na Clare Akamanzi na Kaye-Anne Greenidge. Guteza imbere ubuhinzi hagamije kohereza umusaruro hanze y’u Rwanda , ubukerarugendo, ubuzima, gucukura amabuye y’agaciro, ubwubatsi no guteza imbere serivisi. Ni amasezerano agamije koroshya ingendo hagati ya East Africa n’ibihugu byo muri Caribbean.
- u Rwanda na Canada bemeranyije koroshya ingendo zo mu kirere
Ibi bihugu byemeranyije ko sosiyete z’indege zizajya zinjira muri byo bihugu. Canada izafungura ambasade yayo mu Rwanda. Kuri ubu ukeneye serivisi za Canadara ari umunyarwanda ajya I Nairobi muri Kenya. Muri iyo nama ya CHOGM yari yitabiriwe na bwana Justin Trudeau , minisitiri w’intebe.
- Jamaica n’u Rwanda basinyanye amasezerano y’ubukerarugendo
Ku itariki 25 Kamena ibihugu byombi byemeranyije ubufatanye mu bukerarugendo. Jamaica ifite ubukerarugendo buteye imbere. RwandAir izajya ikorera ingendo I Kingston mu minsi iri imbere. Perezida Kagame muri Mata yari yasuye iki gihugu.
5. Zambia n’u Rwanda byemeranyije ubufatanye mu buhinzi
Ku itariki 23 Kamena, Clare Akamanzi na Albert Halwampa bemeranyije ubufatanye mu rwego rw’ubuhinzi. Ikindi gikubiye muri ayo masezerano ni uguteza imbere ubucuruzi.
- Mu Rwanda hazubakwa ishuri rya Commonwealth
Leta y’ u Rwanda yasinye amasezerano na DLA Piper na FTI mu kubaka ishuri ryo kwigisha amasomo arimo n’ishoramari. Yasinywe ku ya 22 Kamena. Abizigira muri iri shuri baziga ibijyanye n’imiyoborere, ishoramari, indangagaciro z’umuryango.
