Uyu mugabo yabaye umukinnyi ukomeye muri Manchester United kuva yayigeramo mu 2020 ubwo iyi kipe yatozwaga na Ole Gunnar Solskjaer, ndetse yayifashije gusoza mu makipe ane muri Premier league atsinda ibitego 28 mu mikino 58 yakinnye mu marushanwa yose mu mwaka ushize.
Kugeza ubu Bruno Fernandes yamaze gusinya amasezerano muri Manchester Unites azageza mu 2026 ndetse akaba ashobora kongerwaho umwaka, bikaba bivugwa ko azajya ahembwa ibihumbi 250 by'amapawundi.
Bruno Fernandes ni umwe mu bafatiye runini Manchester United(Net-photo)
Bruno Fernandes yagize ati:"Kuva igihe nageze muri Manchester United, nagiranye umubano mwiza n'ikipe ndetse n'abafana bacu beza. Nakuze ndeba iyi kipe nkanarota kuzakinira aha umunsi umwe. Iza nzozi zabaye impamo kandi ni ibya'agaciro.
"Na nyuma y'imyaka ibiri, ndacyumva ari byiza cyane kwinjira muri Old Trafford, kumva anafana baririmba indirimbo yange no gutsindira imbere ya Stretford End. Ni ibintu bidasanzwe kwambara uyu mwenda no kurwanira ikipe yacu nziza.
"Hari ibindi byinshi nshaka kugeraho hano, kandi ndabizi ko ariko bimeze ku bandi bakinnyi n'abayobozi. Birenze buri kintu, dushaka guha abafana intsinzi bakwiriye.
"Twasangiye ibihe byiza mu myaka ishize, ariko ibyiza cyane ntibiraza kuri nge no kuri iyi kipe."
Bruno Fernandes yageze muri Manchester United muri Mutarama 2020. Amaze kuyikinira imikino 117 akaba amaze gutsindamo ibitego 49, anatanga imipira 39 yavuyemo ibitego.
