Ubu rutahizamu w'umunya-Uruguay Luis Suarez aranganya na Lionel Messi ibitego byatsinzwe mu mikino yo gushaka itike y'igikombe cy'isi muri America y'epfo.
Ku mugoroba wo ku wa kane nibwo Luis Suarez yatsinze igitego ubwo Uruguay yakinaga na Paraguay umukino ukarangira babonye intsinzi y'igitego kimwe ku busa.
Iki gitego cyatumye Uruguay iza mu makipe ashobora gukina igikombe cy'isi kuko yageze ku mwanya wa gatanu aho birangiye gutyo yanyura mu mikino ya kamarampaka.
Iki gitego kandi cyatumye Luis Suarez ahita afata mugenzi we Lionel Messi ku bitego byatsinzwe muri iyi mikino yo gushaka itike yo kujya mu gikombe cy'isi.
Iyi mikino iri gukinwa mu gihe Lionel Messi we atahamagawe kuko aribwo agikira Covid-19 akaba yarahawe umwanya wo kwijajara ngo yongere amere neza.
Muri America y'epfo, Lionel Messi niwe wari ufite agahigo ko gutsinda ibitego byinshi mu mikino yo gushaka itike y'igikombe cy'isi, dore ko yatsinze ibitego 27 mu mikino 58 yakinnye.
Luis Suarez nawe akaba yabashije gutsinda igitego cya 27 n'ubwo we abitsinze mu mikino 59 ariko bose banganya ibitego.
Lionel Messi amaze iminsi abona uduhigo twe dukurwaho dore ko mu Ugushyingo 2021 hari uduhigo tubiri twari twakuweho.
Lionel Messi ntakiri mu bakinnyi batatu batsindiye ibitego FC Barcelona bakiri bato, ndetse ntakiri umukinnyi watanze imipira myinshi yavuyemo ibitego mu mwaka umwe.
Luis Suarez yatsinze igitego ikipr y'igihugu ya Paraguay(Image:Daily mail)
Suarez yahise anganya na Messi ibitego 27 muri iyo mikino(Net-photo)
