Umuhanzi w'Umunyamerika Robert Sylvester Kelly wamenyekanye nka R.Kelly yakatiwe n'urukiko rwo muri Leta ya Chicago imyaka 20 y'igifungungo.
Uyu muhanzi yahamijwe ibyaha byo gukoresha abana imibonano mpuzabitsina batarageza imyaka, yarangiza akabafata n'amavidewo bakora ibyo bikorwa, akajya ku mbuga za interineti.
Mu rubanza rwa Chicago, uwahohotewe wahawe izina rya "Jane" yavuze ko Kelly yamusambanyije inshuro magana ataragera imyaka 18.
Robert Sylvester Kelly uzwi nka R. Kelly yongererwa imyaka muri gereza
Abashinzacyaha bakaba bari bamusabiye imyaka 25 mu gihome, ariko urukiko rumukatira imyaka 20 kuri ibyo byaha, ariko 19 muriyo izakorerwa icyarimwe n’igihano cya banje.
Bisobanuye ko atazafungwa imyaka 50, ahubwo ku myaka 20 yakatiwe azafungwaho umwe kuko ibyaha yashinjijwe n'ubundi asanzwe abifungiwe mu myaka 30 yakatiwe mbere.Muri rusange R.Kelly azafungwa imyaka 31.
R.Kelly yakatiwe bwa mbere muri Kamena 2022, imyaka mirongo itatu azira gucuruza abagore n'ibindi byaha bishingiye ku ihohoterwa ry'igitsina, mu rubanza rwabereye New York.
R. Kelly wegukanye ibihembo bya Grammy awards nk'umuririmbi mwiza mu ndirimbo ye 'Ignition'.
Nyuma kandi akaba yaraje no kumenyekana mu yindi ndirimbo yise 'I believe i can fly', akaba ari umwe mu bahanzi bakomeye bashinjwe ibyaha bikomeye nk'ibi.
View this post on Instagram
