Abahanga ku byerekeranye n'ubuzima bwa muntu, berekana inzira zagufasha kwikuramo umubabaro waba watewe n'ibintu binyuranye.
Mu isi harimo ingorane nyinshi zituma buri gihe wahora ushavuye. Ushobora kubura ababyeyi, gutakaza akazi, gutandukana n'umukunzi wawe n'ibindi, kuburyo kubyakira byakugora.
Twifashishije inzobere mu mitekerereze ya muntu ndetse n'abandi bahanga, tugiye kurebera hamwe icyo wakora mu gihe ubabaye:
1. Wikumva ko ari bibi kuba ubabaye
Niba ubonye ikintu kibi mu buzima bwawe,wikumva ko isi ikurangiriyeho. Niba hari ikintu kitakunejeje wihagarika cyangwa ngo ukomeze amarangamutima yawe,ahubwo shaka uburyo ubyakira.
Dr. Lori Rockmore, inzobere mu mitekerereze yo muutwe mu gitabo cye "Journal of Personality and Social Psychology ", avuga ko amarangamutima yose aba akenewe mu buzima kuko atuma tugira uburambe mu buzima ( experience).
Akomeza avuga ko kwemera ibintu ntiwicire urubanza aricyo kintu kiza ukwiye gukora mu gihe utameze neza.
2. Andika ibyakubabaje
Inzobere harimo Sunny Joy McMillan, avuga ko igihe wumva ubabaye, fata ikaramu n'urupapuro wandike ibintu byose byakubabaje byibura mu gihe cy'iminota itanu.Ushobora kandi no kwandika utundi tuntu tunyuranye.
Iyo uri kwandika, amarangamutima yawe yose ashirira mu byo uri kwandika, hanyuma ukaza kumera neza.
3. Emera/ Akira amarangamutima yawe
Iyo wirinze umubabaro burundu, mu by'ukuri uba ukora ibibi byinshi kuruta ibyiza. Hari abantu bahura n'ibibazo bagashaka kubyirengagiza bajya mu nzoga n'ibindi.
Nyamara nk'uko umwanditsi Nancy Levin abivuga, "Ntushobora gukiza ibyo utumva." Niba ufiite ikibazo ntugomba kugihunga,ahubwo ugishakira igisubizo.
4. Rekura amarangamutima yawe
Abahanga nka Dr. Matt Bellace bavuga ko igihe ubabaye ugomba kwibuka agaciro ko kurira, ukirekura ugasohora amamarira yawe.
Abahanga batangaza ko iyo umuntu arize bigabanya umubabaro umuntu aba yifitemo. Abantu kenshi bumva kurira ari intege nke, ariko abahanga bakugira inama yo kurira mu gihe ubabaye.
5. Shaka uko usohoka mu kibazo
Niba umaze igihe uri kurira, amaso yaratukuye, igihe kirageze cyo gufata icyemezo. Bishobora gufata iminsi mike, ibyumweru bike, cyangwa amezi menshi ariko ugomba kwiyibagiza ibyabaye.
Umwanditsi Nancy Levin agira ati: “Agahinda ntikabaho buri gihe, kandi ntushobora kuguma mu mwobo wijimye ubuziraherezo."
6.Shaka uburyo wabona ibyishimo kandi useke
Nk'uko umuhanga McMillan abitangaza, avuga ko kugira ngo wumve umeze neza, ugomba gutekereza ibintu bitandukanye kandi ugatekereza kubintu byiza.
Ushobora gutangira kumva utuziki dutuje, gusoma ibitabo,kureba filime n'ibindi binyuranye. Ikindi kandi ushobora kujya gukora ibikorwa bigushimisha nko gufasha abantu n'ibindi binyuranye.
7. Jya gusura inshuti niba wumva uri wenyine
Akenshi iyo abantu bafite ibibazo bakunze kwigunga,bakaba bonyine.Ariko niba umaze gukurikira inzira zose twavuze haruguru, ni ngombwa ko watangira kujya mu bantu mukaganira ukirekura.
Niba warafashe umwanzuro wo kuva mu kibazo,ariko ugakomeza ukaba wenyine ntabwo ari byiza nagato.
Waba ufite umukunzi mugatemberera,waba utanamufite ukaba wamushaka haba kumbuga nkoranyambaga, ariko ntube wenyine.
8. Rekera gutekereza ahahise
Akenshi nkiyo abantu batandukanye n'abakunzi babo, bavuga ko batazasubira mu rukundo. Nyamara kuguma mu gatebo k'ibyahise ni bibi cyane.
Nubwo ibyabaye bikubera isomo, ariko nk'uko McMillan abivuga, ugomba kwibaza, ese nzabaho ngenyine ubuziraherezo? Niba atariko bimeze, ugomba kwibaza ko ugomba gushaka umukunzi nanone.
9. Fata akanya ujye ahantu hatuje(Nature)
Umuhanga mu mitekerereze Rockmore, atanga inama zo kureka kwikingirana ahantu hamwe,ahubwo ukajya aho ushobora gukoresha ibyiyumviro byawe bitanu byose.
Avuga ko iyo uvuye mu rugo ugomba kwita ku mpumuro zibyo wumva, ibyo ukoraho n'ibindi kugira ngo wongere wiyumve neza.
Bitewe n'igihe uba umaze udatekanye, habo igihe ibyumviro byawe bitagikora neza,utagihumurirwa n'ibindi binyuranye.
Gutembera ahantu runaka bituma utekereza neza kandi bikagabanya umuvuduko w'amaraso, kandi bikakongerera imbaraga.
10. Shaka ubufasha niba wumva uri wenyine
Niba ubabaye cyane ukaba utakibasha gusinzira,kurya , nta kintu kikigushishikaza, ikindi kandi ukaba utakibasha gufata umwanzuro, umaze kuremba.
Niba ufite ibi bimenyetso, ukwiye kujya gushaka abaganga bazobereye kubyerekeye indwara zo mu mutwe. Ugashaka n'ibitabo byihariye ugasoma icyo wakora.
Ntagushidikanya abantu duhorana impanvu zatuma tubabara, ariko nanone hari impanvu nyinshi zo gutuma twishima.
Bitewe nuko mu isi utabaho utababara, ntakabuza ugomba kwihingamo kwakira agahinda kawe kandi ukurikije izi nama imwe kuyindi byagufasha.
