Mu kiganiro Chairman wa APR FC, Brig Gen Déo Rusanganwa aherutse kugirana n'itangazamakuruko nibwo yatangaje ko iyi kipe y'Ingabo z'Igihugu yari isigaje gusinyisha umukinnyi umwe ku mwanya w'abashaka ibitego, aho kuri ubu byamaze kumenyekana ko ari William Mel Togui.
Amakuru y'ingenzi yo kumenya kuri William Mel Togui.
Rutahizamu William Mel Togui w'imyaka 28 y'amavuko, mbere yo kwerekeza mu ikipe ya APR FC nta kipe yari afite nyuma yo gutandukana na Ankara Keçiörengücü Spor Kulübü ikina shampiyona y'icyiciro cya Kabiri mu gihuhu cya Turkey(TFF 1. Lig).
Iyi kipe yakiniraga ya Ankara Keçiörengücü S.K, yabaye iya 14 muri shampiyona n'amanota 51 mu makipe 20 akina muri iyi shampiyona y'icyiciro cya kabiri.
Usibye iyi kipe yo muri Turkey yaherukagamo, yakiniye kandi Beykoz Anadolu(2023–2024), Hapoel Jerusalem F.C(2022–2023), Daring Brussels(2021–2022),
ES Tunis(2021), K.V. Mechelen(2018–2023), SC Gagnoa(2017–2018), RC Oued Zem(2017), IZ Khemisset(2015–2016), Difaâ Hassani El Jadidi(2014–2015),
Espoir Koumassi(2013–2014).
William Mel Togui aje asanga abandi bakinnyi basanzwe bakina bataka, bisobanuye ko agomba guhanganira umwanya n'abarimo, Djibril Ouattara, Denis Omedi, ndetse na Mamadou Sy.
Ikipe ya APR FC niwe mu kinnyi wa nyuma iguze nta gihindutse
Rutahizamu William Mel Togui afite urugamba rutoroshye rwo kubona umwanya
