Hasigaye umukino umwe gusa kuri buri kipe ubundi hagasozwa imikino y'ammatsinda ya UEFA Champions League 2023-2024' amakipe akerekeza muri kimwe cy'umunani.
Kuri uyu wa Gatatu kuri uyu munsi ubanziriza uwa nyuma hari hateganyijwe imikino itandukanye, irangajwe imbere n'umukino Real Madrid yari yakiriyemo ikipe ya Napoli.
Ni umukino wagoye Real Madrid cyane bitewe n'abakinnyi b'inkingi za mwamba idafite nka Vinicius, Camavinga, Tchouameni na Kepa, bose bafite ibibazo by'imvune.
Gusa n'ubwo wayigoye byarangiye ibashije kubona intsinzi y'ibitego 3-2, bituma intsinzi eshanu mu mikino itanu ya Champions League imaze gukina muri uyu mwaka w'imikino.
Niboitego byatsinzwe na Rodrygo Goes, Jude Bellingham na Joselu, mu gihe Napoli yo yatsindiwe na Giovanni Simeone ndetse na Franck Zambo Anguissa.
Ku rundi ruhande kandi abafana ba Arsenal bari bari mu birori banyagira ikipe ya Lens ibitego bitandatu byose ku busa, ibitego byatsinzwe na Kai Havertz, Bukayo Saka, Gabriel Martinelli, Gabriel Jesus, Martin Odegaard na Jorginho.
Arsenal yamaze kubona itike ya kimwe cya munani
Mu gihe aya makipe yo abafana bayo bari mu birere kubera ibyishimo, abafana ba Manchester United bo barimo bibaza inzira bizacamo kugira ngo ikipe yabo izabashe kwisanga muri kimwe cya munani.
Manchester United yari yasuye Galatasaray muri Turkey isabwa kuyitsinda kugira ngo ikizere cyo gukomeza muri kimwe cya munani kiyongere, ariko byaje kuyinanira umukino urangira amakipe yombi anganya ibitego 3-3.
Manchester United yatsindiwe na Alejandro Garnacho, Bruno Fernandes na Scott Mc Tomnay, naho Glatasaray yo itsindirwa na Hakim Zyech watsinze ibitegi bibiri ndetse na Kerem Akturkoglu watsinze icya gatatu.
Kuri ubu Manchester United iri ku mwanya wa nyuma mu itsinda A, kugira ngo igere muri kimwe cya munani irasabwa kuzatsinda Bayern Munich mu mukino wa nyuma, ariko bikanasaba ko Copenhagen na Galatasaray zaba zanganyije umukino wazo.
Uko indi mikino yarangiye:
Sevilla 2-3 PSV Eindhoven
Bayern Munich 0-0 FC Copenhagen
Bemfica 3-3 Inter Milan
Sporting Braga 1-1 Union Berlin
Real Sociedad 0-0 RB Sal;zburg
Amakipe 12 kandi yamaze gukatisha itike ya kimwe cya kabiri adategereje ibizava mu mukino wa nyuma, ni Bayern Munich, Arsenal, PSV Eindhoven, Real Madrid, Real Sociedad, Inter Milan, Atletico Madrid, Lazio Roma, Borussia Dortmund, Manchester City, RB Leipzig na FC Barcelona.
Tariki 12/13 Ukuboza nibwo hazakinwa imikino y'umunsi wa nyuma w'imikino y'amatsinda ya UEFA Champions League, aho hazamenyekana andi makine ane yiyongera kuri aya 12 akaba 16 azakina imikino ya kimwe cya munani.
Jude Bellingham yongeye gutsindira Real Madrid igitego
Manchester United ntiyabashije kubona amanota atatu
