Ikipe ya Liverpool yamaze gusinyisha rutahizamu Luis Diaz wakiniraga FC Porto. Uyu musore yaguzwe miriyoni 50 z'amapawundi akaba azajya yambara nimero 23 mu mugongo.
Ni umukinnyi wari umaze iminsi myinshi avugwa mu makipe atandukanye ariko ikipe yari yamushatse cyane bigaragara yari Tottenham Hotspurs ariko birangiye Liverpool imutsindiye.
Luis Diaz aje kongera imbaraga mu busatirizi bwa Liverpool busanzwe buriho abasore nka Sadio Mane, Mohamed Salah, Diogo Jota, Roberto Firmino, na Minamino.
Nimero 23 yahawe muri Liverpool ni nimero yambawe n'abakinnyi nka Robbie Fowler, Jamie Carragher, Emre Can na Xherdan Shaqiri.
Ku ntangiro Luis Diaz ageze muri Liverpool ahagaze miriyoni 37.5 z'amapawundi ariko hazongerwaho izindi zigera kuri 12.5 z'amapawundi.
Luis Diaz yatsinze ibitego 14 mu mikino 18 amaze gukina muri shampiyona ya Portugal muri uyu mwaka w'imikino.
Liverpool yasinyishije Luis Diaz wakiniraga FC Porto(Image:Marca)
Diaz aje gufasha ubusatirizi bwa Liverpool(Net-photo)
