Mu muhango yateguriwe na FC Barcelona i Camp Nou, Sergio Aguero mbere yo gutangira kuvuga yaturitse ararira.
Ni nyuma y'uko abaganga bamubwiye ko agomba guhagarika gukina umupira w'amaguru kubera ikibazo yagize cy'indwara y'umutima ubwo FC Barcelona yakinaga na Alaves.
Sergio Aguero yavuye mu ikipe ya Manchester City mu mpeshyi ishize yerekeza muri FC Barcelona. Yatangiranye ikibazo cy'imvune cyatumye adatangirana n'ikipe ye umwaka w'imikino.
Ku mukino bakinagamo na Deportivo Alaves nibwo yumvise ububabare mu gatuza ajyanwa kwa muganga byemezwa ko yarwaye arrhythmia indwara ituma umutima udatera neza.
Sergio Aguero ni umwe muri ba rutahizamu beza babayeho mu gihugu cy'Ubwongereza dore ko benshi bibuka igitego yatsinze mu 2012 ku munsi wa nyuma wa shampiyona cyatumye Manchester City itwara igikombe irusha Manchester United ibitego gusa.
Kuri uyu wa Kane Sergio Aguero araganira na Joan Laporta uyobora FC Barcelona yakiniraga barebe ku hazaza h'uyu munya-Argentine.
Sergio kun Aguero yahagaritse gukina ruhago(Net-photo)
