Umuririmbyi kabuhariwe Tiwatope Savage-Balogun [Tiwa Savage] abifashijwemo na kompanyi yitwa Unbound Studios binyuze mu ishami ryayo ritunganya Sinema rya JM Films bagiye gushyira hanze filime yiswe “Water and Garri” izakinwamo n’uyu muhanzikazi uzwi cyane mu muziki wa Africa.
Ni filime yiswe “Water and Garri” yitiriwe umuzingo we muto “Extended play” [Ep] uyu muhanzikazi yari yashyize hanze mu mwaka wa 2021.
Ni Ep yari igizwe n’indirimbo eshanu ziriho “Somebody’s Son” yakoranye na Brandy n'izindi. Izi ndirimbo ni nazo zifashishijwe mu majwi muri iyi filime ya Tiwa Savage.
Iyi filime yafatiwe mu mujyi wa Cape Coast muri Ghana, yerekana Tiwa Savage nk'umunyamideli wahiriwe bidasanzwe n’uyu mwuga muri Amerika ariko akaza kugaruka iwabo muri Afurika guhangana n’imibereho yaho itandukanye n’iyo yari asanzwemo.
Ni filime irimo kuyoborwa na Meji Alabi umenyerewe mu gukora amashusho y’indirimbo zakunzwe muri Africa.
Uyu Meji Alabi urimo kuyobora iyi filime, azwi cyane mu gutunganya amashusho y'indirimbo z'abahanzi ba Nigeria no hanze barimo Davido, Wizkid, Burna Boy , Beyoncé n'abandi. Umushinga w'indirimbo aherutse gukora ni indirimbo "Ginger Me" ya Wizkid na Burna Boy.
Mu butumwa uyu muhanzikazi yashyize ku mbuga nkoranyambaga yagize ati “Ni ibihe bigiye kuba ibidasanzwe, inzira yanjye ya mbere inyerekeza ku kuba umukinnyi wa filime n’umuyobozi. Nayobowe n’udasanzwe w’ibihe byose Meji Alabi.
Water & Garri igiye kujya hanze vuba”.
View this post on Instagram
