Ikipe ya Bayern Munich yaraye itsinze FC Barcelona, byatumye Bayern Munich iyobora itsinda E naho FC Barcelona iba iya gatatu ijya muri Europa league.
FC Barcelona yatsinzwe na Bayern Munich ibitego 3-0 i Arianza Arena. Ibi byatumye FC Barcelona iva muri champions league ijya muri Europa league bwa mbere mu myaka 20 ishize.
Umutoza Xavi aracyari gutangira icyiragano gishya muri iyi kipe yo mu mujyi wa Barcelona ariko akomeje kugorwa cyane mu mikino amaze gukina.
Xavi ari kugerageza kugarura umukino wabo wo guhererekanya imipira mitomito ariko kubona intsinzi byo bikomeje kugorana.
Thomas Muller ukinira Bayern Munich nyuma yo gutsinda iyi kipe ya Barca nawe yagize icyo ayivugaho.
Muller avuga ko atari uko Xavi adafite ubushobozi bwo kuba yatoza iyi kipe, ahubwo ngo abakinnyi be barabura ku mikino ibyibushye.
Aganira na DAZN nyuma y'umukino, Muller yagize ati:"Ndatekereza ko Barca idashobora guhangana n'ubukana bw'iyi ruhago yo ku rwego rwo hejuru."
"Kuri tekiniki baruzuye rwose, ni abakinnyi beza kuri tekiniki no ku mayeri y'umukino. Ariko ntibashobora guhangana na n'igitutu cy'iyi ruhago yo ku rwego rwo hejuru."
Ni umukino wari uvuze byose ku mwaka w'imikino wa FC Barcelona ariko abasore ba Julian Negelsmann ntago bayoroheye.
Igitego cya Thomas Muller na Leroy Sane byatumye igice cya mbere cyirangira Bayern Munich iyoboye umukino.
Jamal Musiala niwe waje gushimangira ko FC Barcelona igana nu irushanwa rya Europa league kuko ku rundi ruhande Benfica yari irimo itsinda Dynamo Kyiv bituma Benfica iba iya kabiri naho Barca iba iya gatatu mu itsinda E.
FC Barcelona yatsinzwe na Bayern Munich(Image:The independent)
Thomas Muller watsinze igitego yagize icyo avuga kuri Barca(Image:Getty)
