Tariki 6 na 7 Gashyantare ni iminsi yahariwe Lil Wayne muri New Orleans

Tariki 6 na 7 Gashyantare ni iminsi yahariwe Lil Wayne muri New Orleans

Rudahara Avithe Rudahara Avithe  Nov 29, 2024 - 21:07

Umuraperi Lil Wayne n'ubwo yatunguwe no kuba atari we uzatarama mu birori bya Superbowl Halftime Show bizabera muri New Orleans umwaka utaha, gusa uyu mujyi avukamo ukomeje kumuha agaciro kuko uretse kumuha urufunguzo rw'umujyi byanemejwe ko tariki 6 na 7 Gashyantare ari iminsi yamuhariwe muri uwo mujyi.

Umuraperi Lil Wayne yahawe icyubahiro iwabo muri New Orleans, yinjizwa muri ‘NOLA Walk Of Fame, abaye umuhanzi wa mbere ahawe icyo cyubahiro muri uwo mujyi.

Ni ibirori byayobowe na Meya LaToya Cantrell, wamushyikirije urufunguzo rw’umujyi akanatangaza ko ku ya 6 na 7 Gashyantare ari iminsi yahariwe “Dwayne ‘Lil Wayne’ Carter.” Uyu muyobozi w'umujyi, Cantrell yasobanuye uruhare Lil Wayne yagize mu guhindura isura y’umuziki wa Hip Hop anishimira intsinzi ye, no kuba yaragize uruhare mu kuzamura umujyi wa New Orleans.

Ibyo Lil Wayne yabikoreww mu gihe New Orleans yitegura kwakira Super Bowl mu 2025, n’ubwo atari uyu muraperi uzatarama ahubwo ari Kendrick Lamar.