Kuri iki cyumweru tariki ya 12 Gashyantare 2023, nibwo umuhanzi wo muri Leta zunze ubumwe z'Amerika Jeson Deluro yagaragaye ku rubyiniro afite ibikoresho by'ikoranabunga bizwi nk'amarobo biri kumufasha gususurutsa abafana.
Ibi byabereye mu gitaramo cya TikTok Tailgate muri Leta ya Arizona muri sitade ya State Farm Stadium. Aha byari mbere y'uko Super Bowl itangira.
Mu by'ukuri ntihigeze hamenyekana impamvu Deluro yakoresheje iyi Robo yarifite ibara ry'umuhondo, kuko na Deluro ntacyo yigeze abivugaho.
Bamwe batekereje ko byari ukwamamaza ikigo cya Boston Dynamics gisanzwe gikora ibikoresho by'ikoranabuhanga harimo na Robo.
Kurundi ruhande abandi bavuze ko ntakabuza bari guteguza abatuye isi ko mu gihe kigiye kuza amarobo azaba akoreshwa ahantu hose.
