Rayvanny yasinye amasezerano ya miliyari

Rayvanny yasinye amasezerano ya miliyari

 Nov 1, 2022 - 07:37

Umuhanzi Rayvanny wo muri Tanzania yasinyiye amasezerano ya Miliyari y’ama shilling ya Tanzania mu gihugu cya South Africa.

Umuhanzi Raymond Shaban Mwakyusa wamamaye muziki wa Africa nka Rayvanny wahoze abarizwa munzu ifasha abahanzi ya Wasafi Label ya Diamond Platnumz, kuri ubu arabarirwa mu bahanzi batunze agatubutse kurusha abandi muri Tanzania nyuma yo gusinya amasezerano ya miliyari y’amashilingi na kompanyi yo muri South Africa yitwa Ziiki media.

Ku munsi w’ejo kuwa Mbere tariki 31 Ukwakira 2022 ubwo umuhanzi Rayvanny akaba na nyiri inzu ifasha abahanzi ya Next Level Music yari mu gihugu cya Africa y’epfo mu mujyi wa Johannesburg yatangaje ko yasinyiye amasezerano ya Miliyari na kompanyi izajya icuruza imiziki ye.

Iyi kompanyi isanzwe icuruza imiziki y’abahanzi biganjemo abo muri Nigeria, South Africa, Kenya, Tanzania n’ahandi.

Rayvanny mu butumwa buhamya ko yabaye umwe mu batunze miliyari yahise ayatura nyina umubyara.

Rayvanny yagize ati “Mama kuri ubu umwana wawe atunze miliyari! Ndishimye cyane gukora amasezerano manini n’ikigo gikomeye ku Isi kizajya gicuruza imiziki yanjye”

Aya makuru yari yabanzirijwe n’ubundi butumwa yari yashyize ku mbuga nkoranyambaga agira ati Mwitegure inkuru itangaje”.

Muri uyu mwaka wa 2022 nibwo Rayvanny yafashe umwanzuro wo gutandukana na Wasafi Label ya Diamond Platnumz yari amazemo imyaka itandukanye ireberera inyungu ze ariko muri 2021 nibwo yashinze inzu ye ifasha abahanzi yise “Next Level Music” kuri ubu ibarizwamo we n’umuhanzi Mac Voice.

View this post on Instagram

A post shared by CHUI...