Perezida w’u Burundi n’umugore we bagiye gusarura ibirayi bataha babyikoreye - Amafoto

Perezida w’u Burundi n’umugore we bagiye gusarura ibirayi bataha babyikoreye - Amafoto

Freddy MUSONI Freddy MUSONI  Feb 21, 2022 - 11:27

Umukuru w’Igihugu w’Uburundi,Evariste Ndayishime, yatunguye abantu kuri uyu wa Mbere ubwo yajyanaga n’umugore we gusarura ibirayi, ndetse bombi bataha babyikoreye.

Ku cyumweru taliki 20 Gashyantare  nibwo Ndayishimiye yavuze i Burayi mu nama yahuje Africa n’Ibihugu by’Uburayi, ariko mu gitondo cyo kuri uyu wa Mbere yatunguranye azinduka iya rubika ajya gusarura ibirayi ku musozi wa Matongo, muri Komine ya Ndava mu Ntara ya Mwaro.

Aya mafoto yashyizwe kuri Twitter y’Ibiro bya Perezida mu Burundi, Ntare Rushatsi yagaragaje umuryango wa Perezida Ndayishimiye nawe arimo bari gukura ibirayi.

Perezida Ndayishimiye ngo yishimiye umusaruro wabonetse.

Mu bamuherekeje gusarura harimo Umuyobozi w’Intara ya Mwaro,Col Gasanzwe Gaspard, ndetse n’abakozi b’Intara n’abaturage basanzwe baturanye n’isambu ya Perezida Ndayishimiye.

Bamwe mu babonye amafoto bashimishijwe no kubona Umukuru w’Igihugu yikoreye umufuka w’ibirayi, ngo ni urugero rwiza ku bandi.

Perezida Ndayishimiye Evariste n’umufasha we bagiye kwisarurira.