Wiz Khalifa yatangiye kwamamara mu 2006. Ni umuraperi, umuririmbyi, n’umwanditsi w’indirimbo w’umunyamerika. Mu 2015 yakoze indirimbo afatanyije na Charlie Puth ‘’See You Again’’. Iyi yaramamaye ku isi hose. Wiz Khalifa akorera muri Warner Bros kuva mu 2007.
Diamond Platnumz aherutse gusinya amasezerano na Warner Music ishami ryo muri Afurika y’epfo yo kwagura muzika ye no gucuruza ibihangano byo muri WCB. Aba bahanzi kuba bahuriye muri sosiyete imwe biroroshye gukorana indirimbo mu rwego rwo kuzamura umuziki wa Diamond Platnumz isi yose ikawumenya. Warner Bros yashinzwe ku ya 04 Mata mu 1923.
Ni imwe muri sosiyete zikomeye ku isi mu ruganda rw’imyidagaduro aho bacuruza filimi n’indirimbo.
Ifoto ya Diamond Platnumz na Wiz Khalifa yashyizwe kuri instagram ya wasafi fm, radiyo ya Diamond noneho baca amarenga ko hari ikiri gukorwa n’aba bagabo bafite ibigwi mu miziki yo mu bihugu byabo.
Reba hano indirimbo ya Wiz Khalifa