Ni umukino wa mbere umutoza wa Rayon Sports mushya Jorge Manuel da Silva Pixao atoje iyi kipe kuva yayigeramo, ndetse n'umutoza wa Mukura Victory Sports Tony Hernandes nawe ukaba ari umukino wa mbere.
Ni umukino watangiye mu mvura nyinshi ariko igice cya mbere cyarangiye ihise n'ubwo amazi yari akiri menshi mu kibuga agatuma abakinnyi badatembereza umupira neza.
Ni umukino kandi witabiriwe n'abafana benshi ndetse bakaba banenga cyane ikibazo cyo kwinjiza abafana dore ko kwinjira byari ingume kandi bijujuta ko batanze amafaranga yabo ku neza ariko imvura ikaba yari igiye kubanyagirira hanze babujijwe kwinjira muri stade mpuzamahanga ya Huye.
Ni igice cya mbere cyaranzwe n'ishyaka ryinshi ndetse amakipe agakina umukino uryoheye ijisho ari nako bahusha ibitego bya hato na hato n'ubwo amazi yabaye kidobya ntabemerere gukina neza uko babishaka.
Ni Rayon Sports yazanye uburyo bushya bw'imikinire, dore ko umutoza mushya ari gukinisha ba myugariro batatu, ndetse iyi kipe ikaba yabanjemo Musa Essenu na Kwizera Pierrot iherutse gusinyisha mu isoko ry'igura n'igurisha.
Abakinnyi Mukura VS yabanje mu kibuga
Abakinnyi Rayon Sports yabanje mu kibuga
