Oluwatosin Oluwole Ajibade amazina nyakuri y'umushoramari akaba n'umuhanzi Mr.Eazi, yanyomoje ibihuha byavugaga ko inshuti ye umuhanzi Tekno Miles yaguye hasi ku rubyiniro akaba akeneye ubufasha.
Ku mbuga nkoranyambaga cyane cyane Tik Tok, hamaze iminsi hacaracara amashusho bavuga ko ari aya Tekno yikubita hasi ku rubyiniro muri Afurika y'Epfo.
Kuri ayo mashusho, banditseho ko Tekno yari muri Afurika y'Epfo mu bitaramo bizenguruka, bagasaba abakunzi be kumusengera kuko amerewe nabi.
Kuri uyu wa Kabiri, nibwo Mr.Eazi yagiye ku rukuta rwe rwa X, yandika ko Tekno atigeze agera muri Afurika y'Epfo, ko ari i Malabo muri Equatorial Guinea magingo aya.
Abandi bakomeje kubona ayo mashusho, baremeza ko ari ay'umuraperi wo muri Kenya witwa Prezzo, ko atari aya Tekno Miles bityo ko ari ibihuhu, nubwo ntacyoTekno aravuga kuri aya makuru.
