Uyu musore w'imyaka 25 y'amavuko, akomoka mu gihugu cya Cameroon, umwaka ushize w'imikino yatsinze ibitego 20 byatumye amakipe menshi amutekerezaho muri iri isoko ry'igura n'igurisha.
Ku nshuro ya mbere , Manchester United yatanze akabakaba £55m, ariko iyi kipe irayanga aho yifuzaga amafaranga angana n'ayo Manchester United yatanze kuri Matheus Cunha (£62.5m).
Tottenham Spurs na yo itekereza kugura Mbeumo ndetse amakuru yemeza ko iyi kipe yatanze amafaranga asatira £70m, cyane ko Thomas Frank yabanye n'uyu mukinnyi muri Brentford.
Kuri ubu Bryan Mbeumo we yibereye mu biruhuko mu gihugu cya Canada, ndetse yagaragaje amafoto y'ibyo biruhuko arimo abinyujije kuri Instagram ye ndetse ikundwa n'abarimo Leny Yoro, myugariro wa Manchester United.
Ruben Amorim kuva yava mu ikipe ya Sporting CP yatangiye gukina uburyo bwa 3-4-2-1, aho bitekerezwa ko Matheus Cunha na Bryan Mbeumo bazajya bakina nka nimero 10 inyuma ya rutahizamu umwe.
Rutahizamu uca ku mpande Bryan Mbeumo yitwaye neza mu mwaka ushize w'imikino
Tottenham Spurs na yo itekereza gusinyisha Bryan Mbeumo
