Mama Immaculeè yagize icyo avuga kuri Bamporiki

Mama Immaculeè yagize icyo avuga kuri Bamporiki

 Sep 23, 2022 - 05:40

Mama Immaculeè uhagarariye umuryango Transparency International Rwanda yavuze ko n’ubwo gukora icyaha ari bibi, yagaragaje ko kuba Bamporiki yarasabye imbabazi ari intambwe nziza.

Mama Ingabire Immaculeè uhagarariye umuryango Transparency International Rwanda ushinzwe gukumira no kurwanya ibyaha bya ruswa n'akarengane, yagize icyo avuga kuri Bamporiki Edouard wasabiwe gufungwa imyaka 20 n’ihazabu ya miliyoni 200 frw nyuma yo kwemera icyaha.

Mu butumwa yanyujije ku mbuga nkoranyambaga ze by’umwihariko urukuta rwa Twitter, yagize ati “Nanjye nemera ko umuntu wese ashobora gukora icyaha ariko kucyemera no kugisabira imbabazi nabyo ni ubutwari gusa ntibigira umuntu umwere usibye ko kutarushya ubutabera ubwabyo bigaragaza kwicuza no kwiyemeza kutazongera “.

Mama Immaculeè ni umuyobozi wa Transparency International Rwanda ushinzwe kurwanya no gukumira ibyaha bya ruswa n'akarengane ariko kenshi akunze gutanga ibitekerezo nk'umuntu ku giti cye mu buryo abona ibintu byagakwiye gukorwamo dore ko anabishimirwa na benshi.

Ku munsi w’ejo tariki 22 Nzeri 2022 nibwo Bamporiki Edouard yitabye Urukiko rwisumbuye rwa Nyarugenge aburana ku byaha yaregwaga bya ruswa.

Bamporiki yaburanye yemera icyaha anasaba imbabazi. Icyakora ubushinzacyaha bwamusabiye gufungwa imyaka 20 n’ihazabu ya miliyoni 200 frw. Urukiko rwanzuye ko umwanzuro uzasomwa ku itariki 30 Nzeri 2022.

View this post on Instagram

A post shared by The Choice (@thechoice_live)

Ubutumwa bwa Mama Immaculeè kuri Bamporiki.