Umuryango w'Ubukungu w'Igihugu bya Afurika y'Amajyepfo, SADC, watangaje ko umutwe w'Ingabo zawo zoherejwe mu butumwa muri Repubulika Iharanira Demokarasi ya Congo ugiye gukora ibitero simusiga byo "gusenya inyeshyamba za M23 no kugarura amahoro n'umutekano."
Ibi SADC yabitangaje mu itangazo ryo kuri iki Cyumweru ryamagana ibisasu byarashwe ku nkambi y'impunzi i Mugunga hafi ya Goma aho abantu 14 bishwe abandi 30 barakomereka. M23 yahakanye ibyo kuba ari yo yarashe mu nkambi, nyamara Amerika n'ubutegetsi bwa Kinshasa bavuze ko ari yo, ndetse na SADC ibyanzura gutyo.
Ingabo za SADC ziri muri DR-Congo zivuga ko zigiye gusenya M23
Ingabo za SADC zikaba ziri muri DR-Congo guhera muri Mutarama 2024, aho mu itangazo baraye basohoye, bavuze ko ibitero bagiye gukora ari ibyo kurengera abasivile n'ibyabo, gufungura imihanda icamo ibikenerwa, dore ko imihanda yose yerekeza muri Goma yafunzwe na M23.
Magingo aya ubwoba bw'uko ibintu bigiye gukomeza kuba bibi bukomeje kwiyongera, nyuma y'uko SADC isohoye iri tangazo, biremezwa ko igiye gukoresha imbaraga zidasanzwe mu kurwanya M23 nayo yiteguye neza nk'uko ihora ibyemeza.